| Mar 05>Apr 05>May 05
hm....for those who don't know how to read chinese...sorry, I'm not planning to write the blog in english, well as least for now. Sorry sis but if you don't understand too bad...check back once a while, I'm sure I will have some english entry sooner or later. 當我訓醒時，掛牆個鍾係零晨一點半。我同 rex 落街四圍行，我地見到間甜品屋o岩o岩關門，我地仲話香港真係勁咁夜先關門。行多兩條街見到好多 bar ，有好多人企係條街到傾電話 ( 香港人真奇怪 ) 。行下行下經過旺角警署，之後經過一間 7-11 我地就買左 d 野飲之後問左時間，原來係一點半即係話屋企個鍾 somehow 慢左一個鍾。我地行左去鴨寮街，咁夜都有小部分人開 “ 當 ” 。我地又行下行下經過一個公園見到一大班人著住黑 t-shirt 好似拍戲咁，係道講數。我地不經不覺間由深水"步"去到旺角，我地入左一間麵店我叫左碗車仔麵。隔離桌 D 人講好多粗口，就連女仔都係咁真難"鼎 "。食完麵之後，我地就行返屋企。返到屋企已經三點幾四點，我地想落街打 ball 不過好似早左 D，所以小睡一陣。大約六點左右我地落街諗住打 ball ，點知個場 lock 左。咁我地去左第二個球場，點知都係一樣，但係好奇怪因為個公園係有人係到做緊運動同射 ball... 我地原住個公園行左個圈但係都係 lock 左，正當我地想爬入去時，突然間有人開門。打左大約一個鍾就落毛毛雨，之後我地去左食白粥，腸粉同油炸鬼。食完後我地經過一間叫合發點心既餐廳買左 D 點心諗住返屋企食，點知見到個球場有人打 ball 。我地就入去一邊食一邊睇，食完仲有人叫我地打全埸。打左一陣就落雨，我地就返左屋企沖涼，之後我地行左去黃金諗住睇下 d 電腦 parts ，但係太早 d 鋪頭未開。我地就去左許留山食小小野，之後再上去行左一個圈，但係得幾間開緊。 Rex 行到 tired ，咁我地入左其中一間快餐店叫左午餐，一邊食一邊等啊寶。我地同啊寶行左一陣黃金，覺得太多人所以走左去啊寶屋企 receive 家惠一齊行青衣城。我地買左兩張 folded bed and pillow 同一 d 日常用品，之後去左百佳買"食送"，間百佳好大 d 人多到水洩不通，我最怕係人多既地方 ><”~ 買完野我地又返啊寶屋企，我幫佢整左佢部電腦一陣上左網一陣，跟住訓著左。訓到大約五點九啊寶車我去青衣?站因為我約左班小學同學，我轉左三次地?先到官塘。當我到官塘時已經六點九，我見仲有時間我就週圍行下。行行下見到啊朱，我都有 D surprise 因為聽講佢通常唔會早到。我係佢身邊行 o 黎行去但係佢唔發覺，咁我就問佢 “ 小姐，等人呀 ?” 啊朱好 surprise 因為佢唔知我返左香港。只有一兩個知我返香港，我叫佢地幫我約人，所以都幾好玩 ga 。之後， Peggy 、 Mandy 、 hei men 、 sau han 、 Philip 、 Steph 同陳美蓮慢慢出現，我地去左打邊爐。我其實都幾好彩，因為 Peggy 返左香港兩年都冇人找到佢。打完邊爐後我地去左 APM 既 Greenbox 唱 K ，張海德、蘭子、 Joey 同何適源都有o黎。我係好眼訓，坐坐下都訓著左，大約十二點左右我就返屋企。我好開心，因為今次應該係最多人既一次有兩仲係十幾年都冇見。 April 30, 2005 我落機時已經係七點幾， REX 既家姐同姐夫接我地機。 REX 既家姐叫許家惠姐夫叫陳良寶，家惠見到 REX 時立即被佢龐大既身軀嚇一跳，因為短短一年間增加不少，反而家惠覺得我瘦左。其實我係應該差唔多，早排就瘦 D 得 165lb 左右，依家有成 180lb ，一年前應該係咁上下。 Anyway ，我地首先去家惠屋企 pickup D bed sheet 同睇下佢地個仔，之後去左食飯，我地叫左炒蜆、 椒絲腐通菜 、 stream 魚 同椒 salt 肉排。食完飯我地去左百佳買 D 日常用品，之後就? suit case 、 bed sheet 同日常用品行六層樓共一百零三級樓梯，真"羅"命 X_x~ 入屋時我成身汗，好似游水一樣。間屋都幾大，有千幾尺有三房一廳，間屋係 REX 既姐夫個啊哥既舊屋二年冇人住過。我地怕張 bed 唔 clean ，所以我地最後都係訓廳既地下。我睇左一陣電視個鍾大約十一點幾就訓著左。 April 29, 2005 我唔想黎既日子終於到啦∼訓到七點左右起身沖涼，玩左一陣 MSN 。 Load 曬 D 野上車之後去左 Safeway 買左 D 野 unload 曬所有野返自己屋企泊左架車入車房。啊 Ant 車我同 Rex 去機場，入集時我地撞到 Jose 個女朋友。原來佢係啊 Joyce 既朋友，我地一齊飛去 Vancouver 。係飛機上見到雪山先發覺原來 Alberta D 雪山咁靚，可惜我唔係坐 windows 位，如果唔係我會影返幾幅相。到 Vancouver 後我地去左 foodcourt 食左 D 野，我同 REX 飛先因為我地坐 Air Canada 佢地坐國泰，早知我地都坐國泰啦∼我係三萬九千 ft 既上空過我一生中最長最長既十三個鍾零十五分鍾。 April 28, 2005 I don't believe it, I was only asking for 3k, I don't even remember how much did he owe me. I don't even expect I can get back half of it. Every time I call he will said I'm still preparing, it will be ready by tomorrow. I'm leaving tomorrow, and I don't even get a dime from him. I really got piss off, how many times I got murmuring? How many people have asked me to quit? How many people asked me to ask him to return all the money he owed me? What a freaking liar ... April 27, 2005 最後一日，經過 yesterday 一日後我更加唔想返香港，唔想 cleanup 唔想 pack 野。啊 Ant 話去食 lunch ，我諗都唔諗就應成佢。我地陪 rex return 架租車後去左 sun chiu kee ，我叫左個叉瀨，之後去左 yamato 買左 4 件 Cake 同去番尋味買左幾柸野飲返屋企。飲飽食醉後我就開始 cleanup 張桌架車同洗衣， cleanup 到大約七點十左右我就去左 Olive Garden 同我啊媽、啊妹、啊爸食飯。我估唔到我啊爸返左黎，我冇講比我啊爸知我返香港同返幾耐，但佢依家知我返香港不過唔知我返幾耐。因為我想靜靜地休息下諗下野，所以唔想有太多人知 Specially 香港 D 親戚。但係通常都事與願違 … ><”Anyways, 我地叫左 garlic lemon muscle, chicken finger, stuffed mushroom, deep fry squid plate, lemon stuffed chicken three meat rona, seafood pasta, roasted pork 甜品係 tiramisu 。 食完飯後，我去左我啊婆屋企 Pickup D 野，我啊婆仲吩咐我返到香港要 Call 舅婆同叔公。 Sigh… 真係 … 返到屋企繼續 cleanup 同 pack up ，攪到三點幾之後 MSN 同 ICQ 傾到四五點左右。個個都問我返香港有咩感想﹖我就答我唔想返香港因為我唔捨得，個個都對我好好。好多人話我又唔係去左唔返，咪當去玩囉。其實我都唔知我想點，我有機會唔返加拿大 ga 。我突然覺得我好冇用，要咁多人為我擔心。同時間我覺得我好好彩，有咁多人對我咁好。 T_T 超忙的一天，忡要有雪落。九點幾去 MacDonald 買早餐之後我就去左加華報 setup 返部電腦 install d fonts ， setup 個 network 同其他 software 。但係因為個 network 太煩，所以就攪左好耐。最後我要清左 server 一部份 files 先有空間 copy d fonts 。我同啊 Gin 個啊爸一齊入去加華報， uncle 要找 rex 我話 rex 出左埠同我地兩個過兩日就返香港， uncle 就話我地返香港玩咁開心，我真係唔知點答 uncle ，我腦只有無奈兩個字。我 Setup 時 Terry 係咁訴苦，佢仲話好多謝 Baldwin 同 Jackie ， Terry 話因為佢地係加華報做時幫左佢好多，煩小樣野。佢話 Rex 都好慘日日都要對住老闆娘，其實 rex 都算做得幾好啦依家做得幾似樣。我最記得 Terry 話可能我地係 IC 做既時間係最開心，因為我絕對認同
。 Terry 之前以為我返香港幾星期，諗住介紹份工比我。我攪下攪下已經十點幾，我約左十點剪頭髮∼遲大到。即刻飛返公司泊好車就去左剪頭髮，我足足遲半個鍾。一邊剪頭髮個電話一邊 嚮 ，剪完頭髮我跑返公司已經十一點八九個字，有個義工買左外買同我送行。但係我約左啊姨同表妹飲茶，所以我去完之後大約一點先返公司再食過。食完兩次 lunch 都已經兩點幾， pick up 本 passport 後，我又返加華報做完手尾。我一上到去即刻比 Ashley 罵，因為我清 File 時清左今期要用既 File ，所以佢要做過 (I felt bad ><”) 。估唔到我識佢既第一句說話就係罵我。 攪掂好部電腦同解答佢地一 D 電腦上o既問題之後，我又返去公司。我走之前老闆娘話佢地會幫我落告徵女朋友，佢地會幫我選一 d 合適我既女仔，直至我返去為止。佢仲講到我有好多優點，有 d 唔好意思 … 哈哈哈 ( 苦笑 ) 。返到公司車 D 同事一齊去食飯，今次好齊人， Helen 、 Helen 既老公 Michael 、 Candy 、 Janice 、 Joanna 、 Joanna 既老公 Ken ( 佢係第一次出黎同我地食飯，因為佢平時好忙 ) 、 Lily 、 Lily 既老公 Vincent 同個囡細 Helen (Vincent 同細 Helen 係希客，好難請 ga) ，好可惜 Helen 個囡 Iris 唔去得。食完飯我地去左找 17 Ave 既 Falico( 係一間雪糕店 ) ，可惜找到時已經 close 左，為有去返我平時食果間，今次我只係食左一個 scoop 因為有一個雪櫃壞左，我想食既味都冇。之後我車 Candy 返屋企，走既時候我用已前車完 Candy 再車啊 Gin 果條路，經過啊 Gin 屋企再返屋企，今次可能係我最後一次行果條路。 我都仲病病地，不過冇計啦∼仲有好多野要走之前做完。一早返到公司咩都唔想做，但係都要準備好星期六我走左之後既野。仲準備一份 Install Windows step by step 同點 Setup outlook express/Microsoft outlook 既 instruction 。 今日個午餐係我地專程去到 17Ave 49 街買既，個午餐就係－順化粉。我從未試過公司有十一個人一齊食 Lunch ，我地成班同事都係得六個，但係今日有 D 義工專登返黎同我食最後一餐仲有啊 Ant 同細佬。我真係好感動 Y_Y~ 放工之後，我上左加華報幫老闆娘 Setup 部電腦，因為有 D 阻礙，最後都係將部電腦帶返屋企做。我走既時候老闆娘封左一封二百蚊加紙既大利是祝我返香港順順利利，我真係好 Surprise 好感動令我更加唔想走。七點左右我同我啊婆、啊姨、姨媽同舅父食飯，啊婆話我返到香港後要找舅婆同叔公。 Sigh… 本來想返香港靜靜地休息下，但係 …. 食完飯返到屋企 Fix 老闆娘部電腦同 Patrick 部電腦，大約十二點就訓左。 點解可以咁，話變就變。我地已經比左錢準備去韓國旅行，但係突然間話個團 cancel 左，唔係因為唔夠人，只係因為佢地買唔到機票。一個好唔合理既 excuse ，咁大間關健旅行社都話買唔到機票。真係好灰，本來係掌握之內點知最後可以變成咁。咩 mood 都冇曬， joyce 好努力找其他團但係我已經唔想去啦 ~ HAPPY BIRTHDAY Wendy.. 星期六...得返五日 星期五...咩都唔想做.....得返六日 今日係我放工時，我見到啊Gin，因為佢探佢個朋友。我好唔開心，點解係我走之前都要比我見到佢??唔係我唔想見佢，我都好想見到佢。但係係我咁迷茫咁唔捨得o既時候比我見到佢我都唔知點好。我唔敢同佢講野，我驚我講完更加唔捨得。><"
點解? 點解? April 21, 2005 打完ball返加華報食完飯就同Rex一齊返屋企。今日冇咩人online，我先發覺我好悶。我除左打Ball同msn or icq 我已經冇其他野做，我應該話我冇野想做。 April 20, 2005 時間:大約六點幾 April 16, 2005 The exact story I forgot already, I heard
that from a volunteer 2 days ago. April 14, 2005 <Heaven
Knows> But tell me, where do I start April 12, 2005 為何常人易放棄 相依相戀只當遊戲 April 06, 2005 星期六 --
八九點起左身，攪下個website傾下計唔覺唔覺已經到兩點。打Ball，由兩點打到五點。跟住去左同朋友食飯， 之後去左食雪糕，我都有一段時間冇去過果間雪糕屋，跟住傾計傾到十二點。我發覺好多我識o既朋友原來都返左香港。我其中一個好朋友仲去過歐洲Bag-Packing添，其實我都好想去Bag-Packing。 April 04, 2005 依個我字寫左成個幾兩個星期，但係都不知應該從何說起，真係百感交集。唔覺唔覺都分左手成兩個月，我既心情好左好多，真係我依然放唔低。我依然覺得好辛苦咩都唔想諗，日日都係返工放工睇劇集煮飯打機。有一種唔知為咩而活，好迷網o既感覺。我記得我分手個日既朝早，我個supervisor叫左我入去佢間房，因為我之前個個星期我冇log time，所以比人打電話投訴。佢好嬲咁話我，果時我心情已經好差，我同佢講我會每weekend填如果一定要我每日填我寧願辭職。我忍唔住喊左，我真係好辛苦我好耐好耐都冇試過咁啦。我估佢都估我唔到，但係佢好嬲因為我話唔做。我解釋佢聽我平日放工放學返到屋企都成九點幾十點，咁夜咩都唔想做，只有weekend有D時間。聽完之後個supervisor軟化左，件事就咁settle左。反而我收到個Email話分手時，我一D都冇喊到，但係成個星期冇訓到。有個朋友話我既然佢係做到咁絕, 點解仲要鍾個頭落去呢?我唔知點答...我知我依家都仲鍾意佢，但係有咩用，我咩都做唔做，只有無奈。我明白當愛情來時擋唔到，走時都留唔住。但係要我話停就停我做唔到，就好似一杯倒緊既水咁，可能只好等到杯水倒完為止，但係杯水有幾大杯呢？或者冇希望就唔會有失望。 April 02, 2005 今日有個義工講解「忙」o既意思。「忙」係由一個樹心邊加個亡字組成，即係話當一個人個心死左時通常都會用忙o離麻醉自己希望可以忘記個心已經死左。雖然有D牽強，但係又幾o岩。 April 01, 2005 經過一個星期，公司風波終於完了。Sigh...最後一個同事同一個義工走左。點解要攪到咁唔開心呢？雖然平時同佢地冇咩兩句，但係點解唔可以平心靜氣解決呢？就算走o既時侯叫個同事一齊食飯佢都唔肯，點解要咁呢？點解要咁絕呢？點解我咁多點解呀？費解費解費解... April 01, 2005 |