<五月三日>

今日繼續志蓮靜苑，我地係志蓮食午餐。原來素食都幾好食仲好多變化。我地走之前買左素既食品好似魷片、肉粒同肉?。我最鍾意食肉粒，因為都幾似。

<五月二日>

我地又去志蓮靜苑，幫佢地加多一個 160GB 既 hard-drive ，但係因為要做 windows update 先可以完全 work ，又比我地發現個 CD-Key 有問題，個問題可大可小。咁我地就去 check 多部機。當我地 check 完個 office 後有個女仔入左 o 黎，啊寶叫佢做海恆師兄。我嚇左一跳，因為我以為佢係出家人，但係除左個髮形超短外就點睇都唔似，佢仲要 wear earring 。原來佢係義工但係我唔知點解啊寶叫佢做師兄呢 ~ 佢全名叫陳海恆，聽講佢以前拍過幾套電影。

May02 , 2005

↑Top↑

<五月一日>

我同 rex 跟啊寶去左志蓮靜苑，我本身咩都唔信所去做下義工冇咩問題。志蓮真係好有錢 D 屋頂由日本運到，起緊個公園都專登由日本請人 o 黎做。入到客堂啊寶叫左個出家人做師父，我一直已為師父係男人 … 哈哈哈 …Anyways ，啊寶口中既師父好似叫惟靜，我地叫佢做靜師。我估唔到依家 D 出家人咁 in ，又有 email 又用電腦， d 英文一 d 都唔差。夜晚我約左 natetile 食飯，我地去左旺角 sushi 亭食 sushi ，又話自己肥，但係我睇佢骨瘦如柴邊算肥呀 ~ 佢仲週身痛，但係仲話要去練拳，因為痛，所以要做多 D 運動拉鬆 D muscle 。食完 sushi 之後行左 Ball 鞋街同浪濤坊，浪濤坊係一個較新既 shopping mall ，有好多精品店都幾特別，個 mall 都幾大個 ceil 都幾靚仲有條超長既電梯，不過可惜 shopping 時有太多樓梯級。 Anyways ，行完諗住去浪濤坊既西貢滿記甜品但係關門，所以去左石磨坊食甜品，我叫左個芝麻糊加合 to 糊，食完就返左屋企。

May01 , 2005

↑Top↑